广西佬童谣

【#文档大全网# 导语】以下是®文档大全网的小编为您整理的《广西佬童谣》，欢迎阅读！

广西佬童谣

1、二叔公，吹火筒，买碌蔗，又生虫，买只饼，又穿窿，买只糍粑呢喉咙，揾个老婆耳又聋。

2、凼凼转，菊花园，阿嫲孭我去睇龙船，龙船母好睇，返嚟睇鸡仔，鸡仔大,捉去卖，卖得几多钱，卖得三百钱，金腰带，银腰带，请你公公婆婆出嚟拜，拜得多畀嘀我，拜得少，留畀你两公婆。 3、波波车，嫁姑爷，几时嫁?琴晚夜，嫁边个?嫁麻蹩。麻蹩多作怪，害死全世界。

4、河边有只羊，河边有只象，河边有只马骝精生得鬼咁样，蒸冬糕，蒸冬糕，蒸出发菜糕。 5、落雨咪咪，水浸田基，田基有戏唱，阿婆落蚊帐，蚊帐有木虱，嗫着阿婆只大屎窟。 6、咸鱼头。咸鱼尾，边个大吃就系你，摞条绳仔绑着你，再摞蠧牛屎屯死你。 7、老豆当三叔，三叔当木碌。牛耕田，马食谷，老豆揾钱仔享福。 8、月光光，月白白，老鼠偷萝卜，盲佬装见，哑巴喊捉贼。 9、独吃独生疮，打死冇人帮。

10、肥婆肥冬瓜，生仔生轮打，一打十二只，只只都有尾巴，阿婆番嚟笑哈哈，阿公番嚟丢那妈。 11、点虫虫，虫虫飞，飞过隔离寻婆嘀，婆嘀有荔枝，摞比仔仔吃一滴。 12、行……行，行到街边执只橙，橙好食，路好行。

13、麻雀仔，尾弯弯，做人新抱实艰难，早早起身都话晏，又挨家婆打一餐，打断三条苏木棍，打开罗裙血淋淋。

14、工人叔叔打米育，农民伯伯打赤肋。 15、屙屎毋出赖地硬，屙尿毋出赖风大。 16、大眼妹，真系衰，屙屎屙尿挨蚊锥 17、禽罗大屎窟，吃得毋做得。

18、老嘿壳，卖豆角，一日卖得三四角。

19、风湿痛，腰骨又痛，耐耐又痛嘀嘀，耐耐又痛嘀嘀。 20、头尖额窄，周身贱格，毋系扛棺材就系执垃圾。

21、从前有座山，山里有座庙，庙里有两个和尚讲故事，讲咩故事呢？讲从前有座山，山里有座庙……。 22、蚂蚁多多，蚂蚁惰惰，出来扛猪仔哦。 23、老嘿壳，卖豆角，屙尿嘟嘟淋豆角。 24、光头爷爷坐火车，坐到南宁屙督Ｋ。

25、切列婆，卖菠萝，卖畀地主做老婆，地主毋要佢，一脚把佢兜落河。 26、麻蹩爱食介菜粥，猪乸爱食麻蹩肉。

27、春天到，夏天到，稍牙行到西瓜铺，食晒西瓜毋算数。人怕鬼，鬼怕人，西瓜最怕稍牙人。 28、肥婆肥婆跌落河，执番上来晕舵舵。

29、落雨大，水浸街，阿哥担柴上街卖，阿妹出街着花鞋。花鞋花袜花腰带，珍珠蝴蝶两边排，有钱打对玲珑鼓，冇钱打个石榴牌。 30、雪条，雪条，有屎有尿。

31、大笨象会跳舞，马骝中意散步。

32、人又老，钱又冇，老婆又走佬，二奶又大肚，三奶去勾佬。

33、拍大肶，唱山歌，人人话我无老婆，扚起心肝娶返个，有钱娶个娇娇女，冇钱娶个豆皮婆，豆皮婆，食得多，屙屎屙两箩，屙尿冲大海，屙屁打铜锣。

34、点脚乒乓，牛仔过牛坑，牛坑毋打鼓，白马毋行桥，车灵车灵定，车着阿嫲第一名。

35、打开蚊帐，打开蚊帐，有只蚊，有只蚊，快啲摞只拍嚟，快啲摞只拍嚟，拍晕佢，拍晕佢。 36、心惊惊，面青青，老师拉我去办公厅。 37、邋邋遢遢当警察，干干净净肺痨病。

38、肥仔义，卖豆豉，卖到年初二，执得一只大利是。 39、穿针筒，穿针筒，小小孩童买回去，留畀阿婆噤阿公。

40、阿威哥，耍陀螺，耍毋见赖老婆，老婆哭噎噎,老公扯何车（二胡） 41、我爱我嘅烂拖鞋，日夜都拖出街，三个华侨娄我卖，我都母戳卖。 42、落雨滠滠，穿对烂木屐，行到塘边，碰见只夹夹（田鸡）

43、买就嚟，买就嚟，毋买就鸡啼，鲤鱼糕，鲤鱼糕，食得肥努努。 44、小球藻，摞尿做，食哂肥努努。

45、电灯着，鬼拉脚，拉着肥婆去打麻雀。


46、盲佬拍拖，盲佬拍拖，拉……错……人。

47、褦鸡疤，巴鸡翼，巴到南门揾屎食。南门有条金刚棍，打得褦鸡跳楞楞。 48、捉塘咩（蜻蜓）我孭你跌落塘。

49、街中间果个大肥婆，街中间果个大肥婆，佢定定拉住我，佢定定拉住我。 50、马嘟嘟，马特特，隔离阿婆做生日，毋识请我么？梳头等几日。

51、谈情说爱多风流啊，多风流。想到甩拖果阵时，茶饭都冇味。即使伤心，自己揾嚟笨戳，我又有飞天又有黄糖仲系稳戳阵，大……痴……嘿！ 52、为食鬼，执蚂蚁，人地咁高你咁矮。 53、执得当买得,有钱买冇得。

54、癞痄君，肚皮痕，人地食饭你咬痕（抓痒）。

55、光头椰子，上山屙白屎，挨我装见，罚佢两毫纸。 56、屙尿齐齐屙，母屙死大哥。 57、蹦牙齿，耙猪屎。

58、白衫打底，皮鞋响底，毋系衰仔就系契弟。 59、有钱冇起屋，有米冇食粥。 60、赖哭猫，偷钱买猪屌。

61、肥婆你嘅身好似架船，为何姣臀臀。

62、肥佬肥臀臀，买旧猪肉去拜神，行到半路屎窟痕，返到屋企没晒人。 63、肥臀臀，劏鸡毋拜神，瘦腼琼，劏鸡毋割颈。

64、阿茂只手，大过烟筒斗；阿茂只脚，大过水塔脚，阿茂只头，大过望火楼，阿茂只鼻哥，大过莫斯科。 65、返复返丁少数出。 66、笨屎虫，育育拱。

67、豆腐煮番茄，食晒眼就斜。

68、阿跛跛，爬楼梯，跌落地，屯死只鸡。 69、周公查周油，查到屎坑角落头。 70、掹屌糖，掹屌糖，一分两件。 71、盐噜粥，好过你鎹猪肉。 72、和顺榄，一分两揽。

73、李自成进北京，李自成进南宁，今年嘅丰收一定好，明年嘅丰收一定成。 74、猪头疯嘅白……鸽……榄……。 75、呈沉包剪叠。

76、人之初，狗虱多，狗虱唔咬我，专咬先生两公婆。

77、黐塘咩，塘咩飞，飞到菜田基，田基有条蛇，吓亲你两仔爷。 78、点虫虫，虫虫飞，飞到荔枝基，荔枝熟，摘一仆。

79、月光光，照地堂，年卅晚，摘槟榔，槟榔香，买子姜，子姜辣，买菩达，菩达苦，买猪肚，猪肚肥，买牛皮，牛皮薄，买菱角，菱角尖，买马鞭，马鞭长，起屋梁，屋梁高，买把刀，刀切菜，买镬盖，镬盖圆，买架船，船沉底，浸死两只番鬼仔。

80、月光光，照地堂，年卅晚，摘槟榔，槟榔香，嫁二娘，二娘头发未曾长。 81、从前有座山，山里有座庙，庙里有两座佛，一座叫摸你屎窟（佛），一座叫叼你屎窟（佛）。 82、一二三四五六七，肥婆跳舞顶第一，跳得高嚟裤头甩，跳得矮嚟唔好睇。 83、打棋子，靠眼屎，全凭眼界靠本事，唔好睇错认旧屎。 84、掟砖头，斗大旧，一掟掟到西门口，溅起浪花抛浪头。

85、落雨微微，水浸田基，田基有条蛇，吓亲大老爷，大老爷有支枪，吓亲大姑娘。 86、彭袓嘅尿壶，老戳积。

87、睇你日日龙穿凤，总有一日你裤穿窿。 88、大食懒，起身晏，洗冻水，食冷饭。 89、起得早，食过早，起得迟，食块皮。

90、麻雀仔，担竹枝，担上枝头望阿姨，阿姨梳只玲珑髻，摘朵红花盘髻围。 91、执得两分钱，留返到过年，过年有嘢食，留畀毛主席。

92、排排坐，吃果果，猪拉柴，狗烧火，猫儿担凳畀姑婆坐，坐烂个屎窟唔赖我，赖番隔离个二叔婆。 93、揺揺揺，赶水过沙桥，沙桥窄，砸烂你个烂屎塔。


94、打泥炮，泥炮响，唔使揸枪上战场。

95、阿跛跛，跳跳脚，咚咚咚，上跳下跳似麻雀。 96、濑尿虾，煲东瓜，煮唔熟，赖阿妈。

97、红辣椒，绿辣椒，平时你牙擦嘴渺渺，今日你冇胆同我撩。

98、新妇仔，着红裙，着左红裙拜安人，安人屙笃屁，弹到新妇笑微微。 99、乞儿仔，画乌龟，一人一笔咪乱嚟，最后果个人衰仔。 100、卖懒，卖懒，卖到年卅晚，人懒我唔懒

本文来源：https://www.wddqxz.cn/774bb52958fafab069dc0299.html